வியப்பு

எனக்கொரு புதிய(பட்டப்)பெயர்

வைத்திருப்பதாக சொன்னாய்...

கடைசிவரை நீ அதைஅறிவிக்காததால்

வேறு வழியின்றி

இன்றும் நான்

என்னுடைய பழைய பெயரிலேயே

அழைக்கப்படுகிறேன்.

வாய்ப்பு

என்னைப்பேச விடாமல்
நீயே பேசிக்கொண்டிருக்கும்போது
நான் பேச இடையிடையே
சந்தர்ப்பங்கள் கிடைத்தும்
அவற்றை வேண்டுமென்றே
நழுவ விடுகிறேன்...

தவிப்பு

தொலைபேசியில்
நீ அழைக்கும் நேரம் மட்டும்
அருகிலிருப்பவர்கள்
தொல்லை பேசுபவர்களானர்கள்.

உயிர்ப்பு

நான் முதலில் உனைப் பார்த்தது
துவைத்து காயப்போடப்பட்டிருந்த
துணிகள் நிறைந்த
மொட்டை மாடிகள் சூழ்ந்த
உன் வீட்டு மொட்டை மாடியில்...
வண்ணத் துணிப் பூக்கள்
மத்தியில்
உயிர்ப்பூவாய் நீ!